Kjörskrá og kosningaréttur

Er ég á kjörskrá?

  • Kjósendur eru á kjörskrá í því sveitarfélagi þar sem þeir eiga skráð lögheimili fimm vikum fyrir kjördag, þann 23. september 2017. Flutningur lögheimilis eftir þann tíma breytir ekki skráningu á kjörskrá.

    Hverjir eiga kosningarétt?

    Kosningarétt við alþingiskosningarnar 28. október 2017 eiga allir íslenskir ríkisborgarar sem náð hafa 18 ára aldri á kjördag og lögheimili eiga hér á landi.
    Jafnframt eiga kosningarétt þeir íslenskir ríkisborgarar sem flutt hafa lögheimili sitt til útlanda eftir 1. desember 2008 og náð hafa 18 ára aldri á kjördag.
    Þá eiga kosningarétt þeir íslenskir ríkisborgarar, sem flutt hafa lögheimili sitt til útlanda fyrir 1. desember 2008, enda hafi þeir sótt um það til Þjóðskrár Íslands fyrir 11. október Erlendir ríkisborgarar eiga ekki kosningarétt við alþingis- og forsetakosningar og eru því ekki á kjörskrá. Eina undantekningin eru danskir ríkisborgarar, sem eiga kosningarétt samkvæmt lögum nr. 85/1946, þ.e. þeir sem voru búsettir á Íslandi 6. mars 1946 eða einhvern tíma á síðustu 10 árum fyrir þann tíma.
    Þar sem viðmiðunardagur kjörskrár var 23. september s.l. munu þeir einstaklingar sem sækja um að vera teknir á kjörskrá á tímabilinu 23. september – 11. október ekki vera skráðir í prentútgáfu kjörskrárstofns né mun nafn þeirra koma upp við uppflettingu hér að ofan.
    Þjóðskrá Íslands tilkynnir viðkomandi sveitarstjórn um það sérstaklega þegar bæta þarf kjósanda á kjörskrá samkvæmt þessu.

    Athugasemdir við kjörskrá

    Hver sem er getur gert athugasemdir til sveitarstjórnar um að nafn eða nöfn einhverra kjósenda vanti á kjörskrá eða þeim sé þar ofaukið. Heimilt er að gera slíkar athugasemdir til sveitarstjórnar fram á kjördag.

    Nánari upplýsingar er að finna á kosning.is

  • Allir íslenskir ríkisborgarar sem hafa átt lögheimili erlendis skemur en 8 ár (talið frá 1. desember árið áður en kosningar eru haldnar) eru sjálfkrafa með kosningarétt á Íslandi. Þeir þurfa að vera orðnir 18 ára á kjördag og hafa einhvern tíma átt lögheimili á Íslandi.

    Íslenskir ríkisborgarar sem hafa átt lögheimili erlendis lengur en 8 ár (talið frá 1. desember árið áður en kosningar eru haldnar) verða að sækja um til Þjóðskrár Íslands um að verða teknir á kjörskrá. Fullnægjandi umsókn þarf að hafa borist Þjóðskrár Íslands fyrir 1. desember árinu áður en kosningar eiga að fara fram.   

    Umsókn þarf að uppfylla eftirfarandi skilyrði:

    • Umsækjandi verður að hafa íslenskan ríkisborgararétt.
    • Umsækjandi þarf að vera orðinn 18 ára á kjördag.
    • Umsækjandi þarf að hafa átt lögheimili á Íslandi.

    Uppfylli umsókn ofangreind skilyrði verður viðkomandi einstaklingur tekinn á kjörskrá næstu 4 ár á eftir. Vakin er athygli á að sérstakar reglur gilda um fresti til að senda inn umsókn. 

    Reglur þessar gilda um kosningar til Alþingis og með sama hætti um kjör forseta Íslands og þjóðaratkvæðagreiðslur en ekki um kosningar til sveitarstjórna.

  • Erlendir ríkisborgarar eiga ekki kosningarrétt við kjör forseta Íslands, við alþingiskosningar eða þjóðaratkvæðagreiðslur og eru því ekki á kjörskrárstofni. Eina undantekningin eru danskir ríkisborgarar, sem voru búsettir á Íslandi 6. mars 1946 eða einhvern tíma á síðustu 10 árum fyrir þann tíma. Þeir eiga kosningarrétt samkvæmt lögum nr. 85/1946.
    Þegar kosið er til sveitarstjórna gilda aðrar reglur um kosningarétt erlendra ríkisborgara

    • Danskir, finnskir, norskir og sænskir ríkisborgarar sem hafa átt lögheimili á Íslandi samfellt lengur en 3 ár fyrir kjördag eiga kosningarétt í sveitarstjórnarkosningum.
    • Aðrir erlendir ríkisborgarar sem hafa átt lögheimili á Íslandi samfellt lengur en 5 ár fyrir kjördag eiga einnig kosningarétt í sveitarstjórnarkosningum.
Eyðublað A-290 Íslendingur búsettur erlendis tekinn á kjörskrá 

Athugið

01

Íslenskir ríkisborgarar  með skráð lögheimili í útlöndum skemur en 8 ár eru á kjörskrá

02

Íslenskir ríkisborgarar  með skráð lögheimili í útlöndum lengur en 8 ár eru ekki á kjörskrá og verða að sækja um fyrir 11. október