Þjóðskrá Íslands fær viðurkenningu fyrir Græn skref

07.11.2019

Þjóðskrá Íslands fær viðurkenningu fyrir Græn skref

Þjóðskrá Íslands fékk viðurkenningu fyrir að hafa náð skrefi 2 í innleiðingu Grænna skrefa í rikisrekstri.  Eftir úttekt Umhverfisstofnunar tók Margrét Hauksdóttir forstjóri við viðurkenningu úr hendi Hildar Harðardóttur sérfræðings hjá Umhverfisstofnun. Úttekt Umhverfisstofnunar fór fram 28. október á starfsstöð Þjóðskrár Íslands í Borgartúni en úttekt á starfstöðinni á Akureyrir fer fram síðar í nóvember. 

Áfram verður unnið ötullega að innleiðingu frekari skrefa í verkefninu, bæði í starfsstöðinni í Borgartúni 21 og einnig á Akureyri. Þjóðskrá Íslands hvetur starfsmenn sína til notkunar vistvæns ferðamáta, að hjóla, ganga eða taka strætó í vinnuna. Fjölmargir starfsmenn nýta sér samgöngustyrk ÞÍ allan ársins hring sem hefur gefist vel.

Margrét Hauksdóttir forstjóri Þjóðskrár Íslands og Hildur Harðardóttir sérfræðingur Umhverfisstofnunar.

Margrét Hauksdóttir forstjóri Þjóðskrár Íslands og Hildur Harðardóttir sérfræðingur Umhverfisstofnunar.


Til baka